Foto: Pixabay
Dat niege Scholjohr fangt bald an. För veele Kinner dat eerstmal. Se kaamt to School. Denn mööt se na de School hen, jedeen Dag. Se mööt dorhen GAHN. An sik brukt se nich bet vör de Schooldör bröcht warrn – mit´n Taxi, so as oole un kranke Lüüd na´n Dokter bröcht warrd. 25 Kinner in een Klass – un denn 25 Öllern-Taxen op de Straat vör den Schoolhoff? Mal afsehn dorvun, dat dat in jedeen School mehr as 1 Klass gifft. Woveel Öllern-Taxen warrd dat denn?
Dat warrd gefährlich:
– Gefährlich för dat egen Kind. Gefährlich för de annern Kinner.
– De Straaten verstoppt, vör allen, wenn de School in en Wohnrebeet liggen deit. De Anwahners
wüllt ja ok mal vun`n Hoff kamen.
– Veele Lüüd laad dat egen Kind ut un föhrt dorna veel to flink wieder na ehr Arbeit orrer wohen ok
jümmers.
– De Kinner warrd untofreden wiel se sülven nix toweg bringt; nich mal de Schoolweg warrd ehr
totruut.
– Ehr Muskeln un ehr Kreisloop vermückert.
– Se hard sik in´n Winter nich af un warrd gauer krank.
– Se mööt doch de Verkehrs-Regeln in de Praxis lehren, ok laterhen för dat Fohrrradföhren!
– Se lehrt nich, sik in´n egen Dörp torecht-to-finnen.
Tosamen-faat:
To Foot gahn is gesünder. So warrd öövt, woans dat in den Verkehr togeiht. So köönt se mit ehr Frünnen snacken un Kontakte plegen. Se hebbt frische Luft hat un sünd praat för dat Lehren in de School.
Un över den ökologischen Aspekt is hier noch gor nix seggt worrn.
