Foto: Pixabay
Billung, Klookheit = Bildung
Höpen = Hoffnung
Kloorheit = Klarheit
Tro = Treue
Grootmood = Großmut
Gedüer = Geduld
Fründschop = Freundschaft
Leve = Liebe
Mitenanner = Miteinander Handslagqualität Oprichtigkeit
Woneem findst du düsse Dögen? Wenn du Frünnen hest un en warmhartig Familie, denn is ´t nich wiet. Brukst nich lang to söken. Düsse Dögen sünd rund üm di. Dat markst du doran, dat di sülven warm üm dien Hart is, dat du Lust hest, dien Leven antopacken, dat di dat Lachen mit dien Lüüd Spaaß makt un dat ji oftmals tosamen singt.
Woneem findst du düsse Dögen NICH?
Hier is de Adress: 1600 Pennsylvania Avenue NW, Washington, DC, 20500, USA.
Dat is dat WITTE HUUS.
Will ik nich seggen, dat dat in anner Johrn beter west is; dat mag ween. Will ik nich afstrieden. Dor hebbt goode Lüüd goode Demokratie strickt. So as mien Oma dat mit de Socken kunn. – Man, wenn de Socken Löckers hebbt un keeneen passt op, dat dor Flicken rop mütt orrer de Socken uttuscht, denn goht se twei. Un sowiet is dat nu in dat WITTE HUUS un de USA. De Demokratie is in´n Mors – un de gooden Dögen (kiek baven) kannst lang söken, de sünd ok in´n Mors. Liekers: Wokeen wull dor noch söken?
