Rund üm de Schaalsee in dat Biosphären-Reservat leevt siet 1999 ok Nandus. Strauße. De sünd mal ubüxt ut en Straußen-Farm. Un se hebbt sik gau vermehrt. Ok över uns´ gresig Winters sünd se goot kamen. An de 600 Vageln weern dat al bald west. Un bi de Nandus löppt dat so: De Vadder sitt op dat Nest. Un bröödt de Eier ut. Un sien Harem vun sien 6 – 7 Wiefken leggt jedeen Dag en Ei dorto. Dor deit sik för de Naturschützers jümmers de Frag op: „Invasive Oorten? Wat makt dat mit uns heimisch Ökosystem? Passt dat?“ – Musst di wunnern: Passt! Mit de Nandus, sowiet. Liekers – De Schaden för de Landwirtschaft wörrr gröter un gröter. Passt denn ok wedder nich. Gor nich. Wi wüllt jo noch uns´ Wötteln un Arfen eten.- Dormit hett dat heten: Siet April 2009 is de Nandu in dat Jagd-Recht opnommen worrn. „Küken und Jährlinge dürfen seitdem ganzjährig geschossen werden. Ausgewachsene Tiere dürfen vom 1. November bis 31. März bejagt werden.“ Nu liggt de Bestand ünner 100. Un NU dat gifft noch en anner Maatregel, so dat nich mehr no veel schooten warrn mutt: De Eier vun de Nandus warrd anbohrt. Klor – wenn dor al Embryonen insitt, is dat to laat. Man an de Kleur / Farv vun de Eier kannst du dat sehn. – De Farv ännert sik: Frische Eier sünd geel/beige. Bi dat Bröden warrd se denn oliv-greun-bruun. So löppt dat mit dat Deertenwohl (Tierwohl) ok recht. Un NU fallt mi in: Woans höllt de böverste Harder, de in´n Vatikan, dat mit de Familienplanen? – Afdrieven is verboden, ok in de eersten dree Maanden. Pill un Kondomen? Verboden! Woans höllt de böverste Harder dat mit de Minschen, de sülven nich noog to eeten hebbt, man liekers veel to veel Kinners kriegt? Woans höllt de böverste Harder dat mit de Försorg för de Minschen?
Foto: Jan Gieser / Montage: Uli Gröhn – Gemini-KI